Tërhiqet nga shtëpia e moshuara që u sulmua nga infermieret

Është bërë e ditur se e moshuara e cila u rrah brutalisht nga një infermiere në Pejë është tërhequr nga shtëpia e pleqve, shkruan GazetaDemos.

Familjarët e të moshuarve që kanë qenë duke jetuar në shtëpinë e të moshuarve “Orenda” kanë nisur t’i heqin ata nga kjo shtëpi.

Ndërkaq, zëdhënësi i Policisë së Kosovës për rajonin e Pejës, Fadil Gashi, ka thënë se numri i të arrestuarve për rastin në fjalë është tre.

“Janë arrestuar tre persona si të përfshirë në rast. Të dyshuarit ngarkohen me tri vepra: sulm, ndihmë në sulm dhe incizim i paautorizuar. Ndaj tre të dyshuarve është caktuar masa e ndalimit”, ka thënë ai.