Tasholli: Konjufca më tha që merr pjesë në marsh, por për fjalim më tha “më lër ta mendoj”

Organizatori i Marshit për Drejtësi, Ismail Tasholli ka thënë se kishte kontaktuar personalisht me kryeparlamentarin Glauk Konjufca duke i kërkuar të njëjtit të merrte pjesë në marshin për liri me ç’rast, të mbante një fjalim publik.

I ftuar në “Debat Plus” të RTV Dukagjini, Tasholli ka treguar përgjigjen e Konjufcës.

“Kam kontaktuar personalisht me Glauk Konjufcën I kam thënë  ‘zotëri faleminderit shumë për përkrahjen. A bën me marrë pjesë në rendin e pare me mua aty?’. Edhe një kërkesë tjetër. ‘A bën me fol ti në binë sepse do të ishte shumë e rëndësishme që qytetarët të marrin mesazh unifikimi edhe prej pozitës, edhe prej opozitës për një temë që nuk duhet të na ndajë’… Glauku më tha që me marrë pjesë do të marrë pjesë për me mbajt fjalimin do t’a mendojë”, ka treguar Tasholli.

Kryeparlamentari Konjufca mbështeti haptazi marshin për drejtësi në nder të ish-krerëve të UÇK-së të cilët pogjykohen në Hagë për krime lufte dhe krime kundër njerëzimit, por fjalim nuk mbajti.