Tashmë është e ditur. Nuk ka marrëveshje mes sindikalistëve dhe Qeverisë së Kosovës. Këtë e bëri publike Rrahman Jasharaj, kryetar i SBAShK-ut, në një konferencë për media pas takimit me kryeministrin Kurti.
E një gjë e tillë, nuk u ka pëlqyer aktivistëve të VV-së.
Një aktivist nga Malisheva, me emrin Selami Morina, ka shkruar një status, në të cilën kërkon burgosjen e Jasharajt.
“Thjeshtë, ky Rrahman Jashari duhet me shku ne burg! Kaq po di unë!”, shkroi Morina në Facebook.
Në bazë të fotografive në profilin e tij në Facebook, Morina është një përkrahës i zjarrtë i pushtetit aktual.
Ai ka disa foto të publikuara me kryeministrin Albin Kurti, dhe me figura të tjera të rëndësishme të VV-së, si bie fjala z.Arben Vitia.