Mes shumë rrëfimeve tronditëse që profesori Meriman Braha i shpalosi në emisionin “n’Demos”, është edhe ai për eksperimentet që zhvillonin udhëheqësia e llogorit të “Goli Otokut” me të burgosurit.
“Kanë bërë eksperimente me të burgosurit politik, një kamp që nuk është shumë larg prej Goli Otokut, aty kanë bërë eksperimente, i kanë provur njerëzit si reagojnë ndaj halucinacioneve, aty njerzit kanë qenë si minj të eksperimenteve”, ka treguar ai, shkruan GazetaDemos.
Kushtet e tmerrshme të jetës e torturat nga më të rëndat përjetonin mijëra të burgosur në baza ditore.
“Një herë në fillim ka qenë veq ndëshkimore e madhe, puna ka qenë si torturë, nxehtësia, dimrit fryma e era, çka njeriu i gjallë punon, fryma e madhe mund të shkatërrojë. Ata e kanë pasur për detyrë me thy gurë, këta gurë i kanë ngarku në dragaq, një dërrasë që e bartin dy njerëz, kanë pasur me i transportu 100 kg deri 1km, kësisoj kanë vepru tërë ditën, kur nuk kanë munden me i përballu, kanë pasur me i marrë gurët me i sjell prap aty ku i kanë marrë se i thonin ‘janë mërzit gurët’. Më vonë, për 300 vetë i kanë përgatit 3 lakna, atë bukë është quajt bukë e shtetit, më vonë i kanë ngrit puntoritë e përpunimit të hekurit, e ndërtimit të anijeve e barkave, përpunimit të mermerit, të gjitha paratë e fitimit i merrte UDBA, për detyra të zeza që ajo i konsideronte”, ka deklaruar Braha.
Emisioni i plotë: