Vetëm 3% më shumë proteina bimore mund t’ju zgjasin jetën – thonë studimet

Dihet se ushqimi i pasur me proteina është i rëndësishëm për kocka dhe muskuj të fortë, por ai mund të ndikojë edhe në jetëgjatësi. Ja çfarë thotë shkenca për rolin e proteinave bimore në një jetë më të gjatë dhe më të shëndetshme

Studiuesit prej vitesh kërkojnë “formulën ideale” të stilit të jetesës, atë që ndihmon në parandalimin e sëmundjeve të rënda si kanceri dhe sëmundjet e zemrës, duke kontribuar njëkohësisht në jetëgjatësi. Studimet tregojnë vazhdimisht se ushqimi i balancuar dhe aktiviteti fizik janë ndër faktorët kryesorë që ndihmojnë trupin të mbetet i shëndetshëm me kalimin e viteve.

Nutricionistja Viki Retelny thekson se nuk ekziston një dietë e vetme perfekte, por ka ushqime që forcojnë sistemin mbrojtës të organizmit dhe ndihmojnë në zgjatjen e jetës. Ajo nënvizon rëndësinë e një diete të balancuar që përfshin të gjitha makronutrientët.

Sëmundjet e zemrës dhe kanceri janë ndër shkaqet kryesore të vdekjeve në botë. Hulumtimet tregojnë se rritja e konsumit të proteinave bimore mund të ulë rrezikun për të dyja këto sëmundje.

Autorët e studimit theksojnë se rritja e proteinave bimore në dietë është relativisht e lehtë, mjafton zëvendësimi i një pjese të proteinave shtazore – dhe kjo mund të ketë ndikim të madh në shëndetin publik dhe jetëgjatësinë, transmeton Telegrafi