Si të hiqni mykun në shtëpi me uthull të bardhë

Myku mund të bëhet një problem serioz në muajt e vjeshtës dhe dimrit, por ekziston një trajtim i thjeshtë që mund të përdorni me përbërës që ndoshta i keni tashmë në shtëpi.

Myku lulëzon në hapësira të freskëta dhe të lagështa me ventilim minimal, dhe heqja joefektive e tij mund të shkaktojë probleme shëndetësore, përfshirë probleme me frymëmarrjen. Ai formohet kur sporet natyrale të mykut bien në një sipërfaqe të lagur dhe të ngrohtë me lëndë organike për t’u rritur.

Një nga metodat më të thjeshta është pastrimi i zonës me një furçë të butë dhe përdorimi i një tretësire me disa pika detergjent për larjen e enëve dhe ujë të ngrohtë. Tretësira fërkohet me lëvizje rrethore dhe lihet të thahet përpara se të shpëlahet përsëri.

Nëse kjo nuk mjafton, mund të përzieni pjesë të barabarta uthull dhe ujë të ngrohtë dhe të spërkatni zonën e mykur. Për zonat më të vështira, shtoni më shumë uthull dhe lëreni për një orë. Uthulla depërton sipërfaqet e poroze dhe shkatërron mykun nga rrënja, duke penguar rritjen e tij.

Sipas The Spruce , uthulla mund të vrasë deri në 82% të llojeve të mykut, megjithatë nuk duhet përdorur në sipërfaqe si mermeri, graniti, druri me poliuretan, ekranet elektronike apo disa metale si alumini, bakri dhe çeliku inox. Në rastet kur myku është përhapur shumë, është e këshillueshme të kërkohet ndihmë profesionale.