Dokumentari i ri i zonjës së parë të Shteteve të Bashkuara, Melania Trump, i tejkaloi pritjet për fitime financiare, duke arkëtuar më shumë se 7 milionë dollarë në kinematë amerikane gjatë fundjavës hapëse.
Ky dokumentar thuhet se është bërë më i shtrenjti, pasi kompania “Amazon” shpenzoi 40 milionë dollarë për të drejtat e transmetimit dhe 35 milionë dollarë shtesë për reklamimin e tij, raporton televizioni BBC .
Pritej që dokumentari të grumbullonte rreth 5 milionë dollarë në fundjavën e tij të parë, por shifrat e vërteta janë “fillim i madh për dokumentarin”, sipas mediumit “Variety”, ndërsa “Hollywood Reporter” tha se “askush s’e priti këtë”.