“U dogjën, ishin duke tejkaluar një veturë kur i shpërtheu goma e Lamborghinit”, dalin detaje tronditëse nga vdekja e Jotas dhe vëllait të tij

Detaje të reja tragjike kanë dalë në pah nga aksidenti i rëndë në zonën e Zamoras, në kilometrin e 65-të të autostradës A52, pranë Komunës së Palacios de Sanabria të Spanjës, ku vdiq futbollisti i Liverpoolit, Diogo Jota, raporton GazetaDemos.

Shkaku i aksidentit që i mori jetën Diogo Jota dhe vëllait të tij, sipas raportimeve të para ishte një gomë e hedhur në Lamborghini-n e tyre.

Sipas BBC Sport, Jota dhe vëllai i tij po vozisnin me shpejtësi shumë të madhe, teksa gjatë një manovre parakalimi, njëra nga gomat shpërtheu, duke bërë që Lamborghini të dalë nga rruga.

Automjeti pasi humbi drejtimin dyshohet se u përmbys teksa shpërtheu dhe në flakë.

Viktimat nuk kanë mundur të shpëtojnë nga automjeti, ndërsa makina është djegur plotësisht. Identitetet e tyre janë konfirmuar vetëm përmes targës së makinës.