Super Akil Gjakova, kalon në çerekfinale të Europianit

Akil Gjakova ka vazhduar me performancë të mirë në Kampionatin Europian të xhudos që po mbahet në Tbilisi të Gjeorgjisë.

Xhudisti kosovar ka arritur me sukses kualifikimin në çerekfinale në kategorinë deri në 73 kilogramë.

Gjakova në raundin e tretë e eliminoi britanikun, Benjamin Levy me IPPON, vetëm pas vazhdimeve, në një duel që ishte mjaft i mundimshëm dhe i lodhshëm për xhudistin kosovar.

Kujtojmë se Akil Gjakova është xhudisti i vetëm kosovar që ka mbetur në garë për ditën e sotme, pasi që Laura Fazliu dhe Dardan Cena u eliminuan.