Trajneri i Juventusit, Luciano Spalletti, aktualisht ka kontratë deri në fund të sezonit, me mundësi zgjatjeje automatike në rast të kualifikimit në Ligën e Kampionëve. Megjithatë, klubi bardhezi po shqyrton mundësinë për të siguruar një marrëveshje të re afatgjatë më herët.
Pas vetëm dy muajsh nën drejtimin e Spallettit, te Juventusi janë vërejtur ndryshime të dukshme – madje më të mëdha sesa pritej. Qendra e transformimit ka qenë e qartë: vetëbesimi dhe rezultatet , dy faktorë që kanë rritur besimin e skuadrës dhe kanë forcuar ambiciet për të ardhmen.
Pakti fillestar 8-mujor pritet së shpejti të zëvendësohet me një akord të ri, i cili do ta mbante trajnerin toskan në Torino deri në qershor të vitit 2028. Juventusi ka nevojë, më shumë se kurrë në historinë e tij të fundit, për një drejtim të qëndrueshëm, ekspert, autoritar dhe të besueshëm.