Situatë e pazakontë, skuadra e Bersant Celinës nuk paraqitet në fushë dhe humb ndeshjen me rezultat zyrtar?!

Një situatë e pazakontë është regjistruar në Ligën e Kampionëve të Gjirit, pasi Al-Ettifaq nuk është paraqitur për ndeshjen e planifikuar ndaj një skuadre irakiane, duke mos udhëtuar fare drejt Irakut.

Takimi ishte paraparë të zhvillohej sot në orën 17:30, por ekipi saudit nuk u paraqit në stadium. Al-Ettifaq bëri të ditur përmes një komunikate se ia kishte shpjeguar arsyet e këtij vendimi Federatës së Futbollit të Gjirit dhe kishte kërkuar shtyrjen e ndeshjes, por sipas klubit, nuk kishte marrë përgjigje.

WHAT A WEIRD SITUATION IN THE GULF CLUB CHAMPIONS LEAGUE!

Al-Ettifaq were supposed to face an Iraqi club today at 5:30 PM, but THEY DIDN’T EVEN TRAVEL TO IRAQ!

Al-Ettifaq released a statement saying they had explained their reasons to the Gulf Football Federation and… pic.twitter.com/MaNxjnwsjU

— All About SPL (@Saudifutbol) October 28, 2026

Ndërkohë, skuadra irakiane dhe gjyqtarët u paraqitën në stadium në orarin e caktuar. Pas pritjes së ekipit mysafir, arbitri sinjalizoi mosparaqitjen e Al-Ettifaqut.

Sipas raportimeve, ndeshja pritet t’i regjistrohet me rezultat zyrtar 3:0 në favor të klubit irakian. Megjithatë, mbetet të shihet vendimi përfundimtar i organizatorëve dhe nëse ndaj skuadrës saudite do të shqiptohen masa të tjera disiplinore.