Lajme shqetësuese vijnë nga Milano për mesfushorin kroat Luka Modric, i cili ka pësuar një dëmtim të rëndë në ndeshjen e fundit.
Sipas raportimeve fillestare nga mediat italiane, kapiteni kroat ka pësuar një frakturë të dyfishtë në zonën e mollëzës, çka pritet ta lërë jashtë fushave për pjesën e mbetur të sezonit, shkruan Indeksonline
Modric u detyrua të largohej nga loja për shkak të dhimbjeve të forta pas përplasjes me Locatellin, ndërsa aktualisht po i nënshtrohet ekzaminimeve të detajuara për të përcaktuar shkallën e plotë të dëmtimit dhe mënyrën e trajtimit, që mund të përfshijë ndërhyrje kirurgjikale ose trajtim konservativ.
Fillimisht kishte shqetësime se ky dëmtim mund ta linte jashtë edhe nga Kupa e Botës, por sipas informacioneve të fundit, pjesëmarrja e tij në turneun veror në Shtetet e Bashkuara nuk vihet në dyshim. Ai pritet të jetë në dispozicion të kombëtares, madje ekziston mundësia që të luajë me një maskë mbrojtëse.
