Organizatorët e “Ballon d’Or” kanë zbuluar zyrtarisht listën me 10 legjenda të futbollit të nominuara për çmimin e ri “B.O.A.T.” (Ballon d’Or Of All Time), një garë e veçantë ku tifozët do të votojnë për sezonin më të madh individual në historinë e futbollit.
Ky projekt i ri vjen në prag të 70-vjetorit të çmimit prestigjioz Ballon d’Or dhe synon të vlerësojë jo thjesht karrierën e futbollistëve, por sezonin më të jashtëzakonshëm individual të realizuar ndonjëherë
Për t’u përfshirë në listën e kandidatëve, futbollistët duhet ta kenë fituar të paktën dy herë trofeun e “Ballon d’Or” gjatë karrierës së tyre.
Megjithatë, në mesin e emrave të përzgjedhur mungojnë dy prej ikonave më të mëdha të historisë së futbollit, Pele dhe Diego Maradona. Arsyeja lidhet me faktin se gjatë periudhave më të mira të karrierës së tyre, çmimi “Ballon d’Or” ishte i rezervuar vetëm për futbollistët evropianë, duke i lënë jashtë garës legjenda të tjera nga pjesa tjetër e botës./Indeksonline/