Mesfushori me përvojë i Milanit, Luka Modric, ka ndarë admirimin e tij për Cristiano Ronaldon, me të cilin kaloi gjashtë vite të suksesshme te Real Madridi midis viteve 2012 dhe 2018.Mesfushori kroat theksoi jetëgjatësinë e jashtëzakonshme dhe aftësinë e tij për të shënuar gola, duke këmbëngulur se ylli portugez mund të vazhdojë të luajë në nivelin më të lartë për disa vite të tjera.
“Mendoj se Cristiano do të luajë deri në moshën 50 vjeç nëse dëshiron. Ai do të vazhdojë të shënojë gola. Jam i sigurt se do të arrijë 1,000 gola në karrierë sepse është një përbindësh i vërtetë, një fenomen. Çdo gjë që ka arritur dhe vazhdon të arrijë është vërtet e admirueshme. E admiroj atë”, tha Modric.Modric dhe Ronaldo ndanë fushën gjatë një prej periudhave më të suksesshme në historinë e Real Madridit