Mertesacker i ashpër me fjalët e tij për Italinë: S’e meritojnë as të diskutohen

Per Mertesacker ka dhënë një vlerësim të ashpër për rënien moderne të Itali, duke thënë për transmetuesin gjerman “ZDF” se katër herë kampionët e botës nuk e meritojnë më të jenë pjesë e diskutimeve në një turne ku sërish nuk kanë arritur të kualifikohen.

Ish-mbrojtësi i Arsenalit dhe Gjermanisë ishte i ftuar së bashku me ish-lojtarin gjerman Christoph Kramer, ku u diskutua mungesa e Italisë në Botërorin 2026 – hera e tretë radhazi që “Azzurrët” nuk kualifikohen.

“Gjatë këtyre javëve nuk kemi folur fare për sa keq është që Italia nuk është këtu,” u tha prezantuesja, sipas “CalcioMercato.com”.

Kramer u përgjigj: “Jo!”.

Mertesacker shkoi edhe më tej: “Absolutisht jo! Ata nuk e meritojnë të diskutohen”.

Më pas diskutimi u zhvendos te rënia e nivelit të kombëtares italiane krahasuar me të kaluarën e saj.

“Sa shumë ka ndryshuar ajo skuadër!” tha Mertesacker.

“20 vite më parë, kur humbëm ndaj tyre në gjysmëfinalen e Botërorit 2006, ata ishin një skuadër e nivelit botëror”, tha ai.

Kramer shtoi: “Nuk ka nevojë as të flitet për këtë”.

Mertesacker vazhdoi: “20 vite më vonë, duhet të kërkosh gjatë për të gjetur një lojtar të jashtëzakonshëm”.

Megjithatë, pavarësisht kritikave, Kramer theksoi dashurinë e tij për Italinë dhe kujtoi triumfin në Euro 2020 si dëshmi se talenti nuk është zhdukur plotësisht.

“Ata patën një periudhë të artë, fituan Europianin, gjë që njerëzit shpesh e harrojnë,” tha ai.

“Por ka shumë fëmijë që nuk e dinë se mund të luajnë në një Botëror”, e mbylli ai.