Krizë te Ballkani, Karoglan nuk del fare në stërvitje, mund të shkarkohet

Një incident ka ndodhur së fundmi te Ballkani para ndeshjes së tyre të fundit në Superligë ndaj Dukagjinit.

Kjo për shkak se trajneri Mislav Karoglan, nuk ka dalur sot fare në stërvitje pas një borxhi që klubi ka ndaj tij.

Sipas “Kanal10”, kryesia e klubit suharekas ka mbajtur një mbledhje dhe pritet shkarkimi i trajnerit pas veprimit të tij.

Ballkani, do të kalojë një tjetër sezon pa trofe, ku janë aktualisht në vend të dytë me 58 pikë por mund të bien në vend të tretë nëse humbin ndaj Dukagjini apo në rast të një fitoreje të Malishevës ndaj Dritës.