Irani do të luaj në Kupën e Botës, ShBA i jep vizat lojtarëve

Lojtarët e Kombëtares së Iranit që do të marrin pjesë në Kupën e Botës kanë marrë vizat për të hyrë në Shtetet e Bashkuara, ka konfirmuar një zyrtar i Shtëpisë së Bardhë për agjencinë Reuters.

Lajmi vjen pas shqetësimeve të ngritura nga autoritetet iraniane vetëm pak ditë më parë. Ambasadori i Iranit në Meksikë, Abolfazl Pasandideh, deklaroi të martën në mbrëmje se futbollistët iranianë ende nuk i kishin marrë dokumentet e nevojshme për të udhëtuar drejt SHBA-së, pavarësisht se ndeshja e tyre e parë në turne ishte planifikuar të zhvillohej pas vetëm dhjetë ditësh në Los Angeles.

Konfirmimi nga administrata amerikane i jep fund pasigurive rreth pjesëmarrjes së ekipit iranian në kompeticion, duke siguruar që skuadra të mund të udhëtojë dhe të përgatitet normalisht për sfidat e Kupës së Botës.

Çështja e vizave kishte tërhequr vëmendje për shkak të marrëdhënieve të tensionuara politike mes Shteteve të Bashkuara dhe Iranit, por autoritetet amerikane kanë bërë të ditur se procesi për ekipin kombëtar është përmbyllur me sukses.