Jamal Musiala pati disa momente të pazakonta në karrierën e tij.
Kjo për shkak se gjermani, kishte humbur ndjenjat në dy ndeshjet e fundit miqësore të Bayernit duke shqetësuar tifozët.
Pas këtyre episodeve, Musiala bëri një postim ku tregoi se ndjehet mirë.
“Pikë së pari jam mirë! Mbi të gjitha, jam jashtëzakonisht mirënjohës për të gjitha mesazhet dhe mbështetjen tuaj! E kuptoj që shumë prej jush janë të shqetësuar. Dua t’i lë mënjanë këto shqetësime sot dhe të shpjegoj pak më shumë: Jam diagnostikuar me episode të shkurtra dhe të përkohshme mungese, të cilat janë lehtësisht të trajtueshme dhe shkaktohen nga një mosfunksionim neurologjik. Këto mund të çojnë në momentet që kanë ndodhur kohët e fundit, si kundër Leipzig dhe tani në Heidenheim. E di që mund të duken të frikshme në shikim të parë – por për mua, ato aktualisht janë thjesht pjesë e jetës sime të përditshme. Po marr kujdesin më të mirë të mundshëm mjekësor në këtë drejtim dhe jam shumë optimist. FC Bayern dhe njerëzit më të afërt me mua janë gjithmonë pranë meje dhe më mbështesin në këtë udhëtim. Ajo që është e rëndësishme është që të mos ketë asnjë rrezik shtesë shëndetësor përtej kësaj. Në konsultim të ngushtë dhe komunikim të rregullt me specialistët, ishte dëshira ime personale të përballesha me këtë sfidë dhe, me miratimin e specialistëve neurologjikë, të vazhdoja të bëja atë që më ndihmon më shumë në rikuperimin tim: thjesht të jetoja jetën time të përditshme dhe të vazhdoja të ndiqja pasionin tim për të luajtur futboll. Kam marrë përgjegjësinë për këtë vendim.” Në përgjithësi, kam një ndjenjë shumë të mirë dhe jam në një rrugë të mbarë. Ajo që më ndihmon më shumë gjatë rrugës është të vazhdoj të ndjek fitoret dhe titujt me ekipin tim, me mbështetjen tuaj të jashtëzakonshme. Shpresoj që kjo t’ju ndihmojë të më kuptoni më mirë. Në të njëjtën kohë, kërkoj mirëkuptimin tuaj që do të doja ta mbaja këtë çështje brenda rrethit të miqve të mi më të ngushtë, klubit dhe ekspertëve. Faleminderit shumë. I juaji, J”, shkroi ai.
Ende nuk dihet se a do të startojë Musiala në ndeshjen derbi ndaj Borussia Dortmundit, në Superkupën e Gjermanisë
