Kombëtarja luan sot miqësoren me Luksemburgun prej orës 20:00 në stadiumin “Air Albania”, ku të mërkurën u mund 1-0 nga Izraeli.
Kuqezinjtë nuk do të kenë Anis Mehmetin, i cili po kalon një gjendje gripale, ndërsa i gatshëm është kthyer Myrto Uzuni.
Trajneri Rolando Maran pranoi se të tilla ndeshje shërbejnë për të provuar lojtarë dhe skema, por nuk mungon edhe dëshira për të fituar. Synimi është që ekipi të jetë gati në kohën kur të luajë për Ligën e Kombeve.