FIFA cakton gjyqtarët për Kupën e Botës

FIFA ka caktuar gjyqtarët për Kupën e Botës 2026, që organizohet nga ShBA-të, meksika dhe Kanadaja.

Gjithsej 52 gjyqtarë, 88 ndihmës gjyqtarë dhe 30 zyrtarë ndeshjesh VAR, u përzgjodhen nga të gjashtë konfederatat dhe 50 Shoqata Anëtar.

Emërimet u bënë në bazë të parimit të hershëm të FIFA-s “cilësia e para”, ndërsa iu kushtua vëmendje qëndrueshmërisë së performancave të ofruara nga kandidatët në turnetë e FIFA-s, si dhe në garat ndërkombëtare dhe vendase në vitet e fundit.

“Arbitrat e përzgjedhur të ndeshjeve janë më të mirët në botë. Ata ishin pjesë e një grupi më të gjerë arbitrash që u identifikuan dhe u monitoruan gjatë tre viteve të fundit. Ata kanë marrë pjesë në seminare dhe kanë arbitruar në turne të FIFA-s. Përveç kësaj, performancat e tyre në ndeshjet vendase dhe ndërkombëtare janë vlerësuar rregullisht. Arbitrat e përzgjedhur kanë marrë dhe do të vazhdojnë të marrin mbështetje gjithëpërfshirëse nga trajnerët tanë të fitnesit dhe stafi mjekësor, duke përfshirë fizioterapistë dhe një specialist mendor. Qëllimi ynë është të sigurohemi që ata të jenë në gjendje optimale fizike dhe mendore kur të mbërrijnë në Miami më 31 maj.”, tha Pierluigi Collina, Kryeshefi i Arbitrazhit i FIFA-s dhe kryetar i Komitetit të Arbitrave të FIFA-s./IndeksOnline/