E veshi dhe shënoi gol në Lesvkovc, kaq po shitet fanella e Rey Manaj

Rey Manaj, është heroi që e mposhti Serbinë më 11 tetor në “Duboçica” të Leskovcit.

Goli i tij ishte vendimtari, që kombëtarja “Kuq e Zi” të arrijë triumfin historik. Tashmë fanella e Manajt, u kthye në objekt të çmuar të koleksionit.

Sipas ankandit ndërkombëtar MatchWornShirt, me të cilin bashkëpunon Federata Shqiptare e Futbollit, ajo u shit për 3 mijë e 98 euro.

Oferta më e madhe erdhi nga Shtetet e Bashkuara të Amerikës.

I vendosur për ta pasur këtë fanellë historike, blerësi rriti çmimin për thuajse 11 herë nga 378 euro në mbi 3 mijë.