Drilon Islami pëson lëndim të rëndë

Mesfushori kuqezi, Drilon Islami, ka pësuar një lëndim të rëndë në ndeshjen ndaj Shkëndijës së Haraçinës, duke thyer klavikulën e krahut të djathtë.

Lëndimi erdhi pas një përplasjeje në fushë, pas së cilës Islami u detyrua ta ndërpresë ndeshjen dhe të transportohet me ambulancë drejt spitalit. Ekzaminimet mjekësore konfirmuan thyerjen e klavikulës, në pjesën e sipërme të shpatullës.

Ende nuk është përcaktuar nëse mesfushori do t’i nënshtrohet ndërhyrjes kirurgjikale apo do të trajtohet përmes terapisë dhe rehabilitimit.

Megjithatë, lëndimi pritet ta mbajë Islamin për një periudhë jashtë fushave të futbollit, duke përbërë një mungesë të rëndësishme për skuadrën kuqezi