Nëse ka një sagë që po tërheq vëmendjen në afatin kalimtar të korrikut, ajo është pa dyshim e ardhmja e 24-vjeçar.
Sulmuesi francez raportohet se është në radarët e Real Madridit – klub ku, sipas burimeve të ndryshme, ai dëshiron të transferohet.
Megjithatë, Olise mbetet lojtar i Bayern Munichut, ndërsa klubi bavarez e ka bërë të qartë publikisht se nuk ka ndërmend ta shesë.
Edhe pse ky qëndrim dihet tashmë, drejtori sportiv i Bayernit, Christoph Freund, nuk hezitoi ta përsëriste pas humbjes së skuadrës në miqësoren parasezonale ndaj Wiesbaden.
“Kjo nuk është aspak një çështje për ne”, deklaroi zyrtari i klubit para gazetarëve.
“Jemi shumë të lumtur që Michael është rikthyer nga pushimet. Ai do të luajë një rol të rëndësishëm për Bayern Munich këtë sezon, ashtu siç bëri edhe sezonin e kaluar”, shtoi ai.
Deklaratat e Freund dërgojnë një mesazh të qartë se Bayern nuk ka ndërmend të negociojë largimin e Olises, megjithëse kjo nuk pritet t’i ndalë spekulimet në merkato, sidomos duke pasur parasysh interesimin e vazhdueshëm të Real Madridit.
Olise ka kontratë me Bayern Munichun deri në vitin 2029.
