Llapi ka regjistruar fitoren e parë në kampionat në xhiron e pestë, duke triumfuar bindshëm 0-4 në udhëtim ndaj Vushtrrisë.
Pas ndeshjes, trajneri i Llapit, Tahir Batatina, u shpreh i kënaqur me reagimin e skuadrës, duke thënë se ekipi kishte kaluar një periudhë të vështirë, por tashmë është rikthyer në rrugën e duhur.
“Djemtë kanë qenë në një krizë. Gjatë gjithë kohës kam komunikuar me ta që duhet të jenë të qetë. Në asnjë ndeshje djemtë nuk kanë luajtur dobët. Pika jonë e dobët ka qenë porta, aty kemi çaluar, por kemi marrë hapat e duhur në momentet vendimtare. Pas rikthimit të Laroshit, e kemi portën e sigurt. Sot është rikthyer skuadra dhe shpresoj që të vazhdojmë kështu”, deklaroi Batatina në Sport2.
Ai foli edhe për aspektet që Llapi duhet t’i përmirësojë, ku tha se skuadra duhet të reagojë më mirë në ndërprerje.
