Arsenal interesohet për Malick Fofana

Arsenal ka hyrë në garë për transferimin e Malick Fofana, teksa klubi londinez po shqyrton seriozisht mundësinë e transferimit të sulmuesit belg nga Lyoni.

Sipas raportimeve të fundit nga merkatoja, Arsenali ka ndërmarrë hapat e parë për të vlerësuar mundësinë e realizimit të marrëveshjes dhe situatën e lojtarit

Fofana thuhet se është interesuar për një transferim te “Topçinjtë”, edhe pse Arsenali nuk është alternativa e vetme në këtë fazë të fundit të merkatos së verës.

Në garë ishte edhe Crystal Palace, i cili kishte qenë në një pozicion të favorshëm për të arritur marrëveshje me Lyonin.

Megjithatë, Fofana nuk dëshiron të transferohet te Crystal Palace, duke e bërë preferencën e lojtarit një faktor të rëndësishëm në negociata.

Lyon po kërkon të realizojë një shitje të madhe për të përfituar financiarisht, ndërsa vendimi i 19-vjeçarit belg mund të jetë përcaktues për destinacionin e tij të ardhshëm.