Smalling raportohet se ka rinovuar me Romën

Chris Smalling thuhet se ka nënshkruar një kontratë të re dyvjeçare me Romën, duke e zgjatur qëndrimin e tij në kryeqytetin italian deri në vitin 2025.

Qendërmbrojtësi anglez iu bashkua Giallorossëve nga Manchester United në gusht 2019, fillimisht në formë huazimi përpara se të bënte një lëvizje të përhershme për 15 milionë euro. Ai e ka dëshmuar veten si një figurë të rëndësishme në skuadrën e Jose Mourinhos, duke qenë një mbrojtës me përvojë dhe i besueshëm.

Smalling ka munguar në pesë ndeshjet e fundit të Romës në të gjitha garat për shkak të një lëndimi, por Mourinho shpreson të ketë 33-vjeçarin për ndeshjen e dytë gjysmëfinale të Ligës së Evropës kundër Bayer Leverkusen.

Calciomercato.com raporton se agjenti i Smalling, James Featherstone ishte dje në Trigoria për të vënë në letër kontratën e re të mbrojtësit me Romën, një marrëveshje dyvjeçare me vlerë 3.5 milionë euro neto në sezon.

Detajet përfundimtare tani janë duke u zgjidhur dhe marrëveshja e tij e re pritet të zyrtarizohet në në ditët në vijim, ndoshta menjëherë pas ndeshjes së dytë gjysmëfinale të me Bayer Leverkusen.

Roma-Smalling, a breve l'annuncio del rinnovo: l'agente è a Trigoria, la situazione https://t.co/OUuiXv5mxb pic.twitter.com/j1Kk7xtq3O

— calciomercato.com (@cmdotcom) May 12, 2023