Njëri nga të burgosurit politik nga regjimi serb, Sherif Konjufca, i ftuar në emisionin “n’Demos” ka rrëfyer një ngjarje jo të mirë gjatë kohës sa po ndanin burgun me disa prej aktivistëve shqiptarë.
Kjo ngjarje ka të bëjë me një përplasje mes konceptesh siç e ka quajtur Konjufca, mes Hydajet Hysenit dhe Kadri Osmanit.
“Në mes të Hydajet Hysenit dhe Kadri Osmanit në atë kohë ndodhi një përplasje, këto gjëra janë që ndodhin, janë krijuar nëpër burgje ka 4-5 grupe politike, baci Kadri ka kërkuar aktivitet të përditshëm, ndërkaq Hydajeti ka qenë më i rrafshët, konflikti fillimisht ka filluar me Berat Luzhën e më pas është bart tek Hydajeti, ky i fundit ka qenë një nga personat më autoritetativ, nuk ka qenë asgjë drastike, pra ka qenë një përplasje konceptesh”, ka thënë ai, përcjell GazetaDemos.
Konjufca ka treguar se në shumë forma është munduar nga policët e gardianët serbë që të thyejnë aktivistët shqiptarë në burgjet serbe, po që sipas tij këtë nuk ia kanë arritur.
“Shumë prej të burgosurve politik na është thënë që është një person i sigurimit serb i cili flet me të burgosurit që të shoh se a kanë ndryshuar bindje, në këtë rrethana mua më kanë thënë ti je gazetar, ti vet e kupton qysh e kalon më lehtë, unë thosha do të respektoj rendin shtëpiak, ata ta hapnin rrugën që të bashkëpunoje me ta, prej vitit ’81 deri në vitin ’90, të burgosurit politik kanë qenë shumë të fortë e e kanë mbajt burgun burrërisht”, ka deklaruar ai.
Një moment që ish-gazetari shqiptar thotë se nuk do ta harrojë kurrë është ai kur policët serbë përmes televizionit panë në burgjet serbë Pajtmin e Gjaqeve, e që numri i madh i njerzve pjesëmarrës i shtangën ata.
“Kosova politikisht ishte përfundimi i pajtimeve të gjaqeve, kur ndodhnin këto pajtime neve na kanë qit prej burgut, mua Martin Qunin e Berat Luzhën na kanë qit jashtë burgut që mos me pas takim me përfaqësues të Kryqit të Kuq që erdhën të na takonin të burgosurit, por ne u detyruam që të punojmë jashtë burgut që të mos kemi kontakt me ta. Policët kur panë Pajtimin e Gjaqeve thanë ‘kuku zot, 1 milion njerëz kokën dal’, rolin kryesor për pajtimin e gjaqeve e kanë pasur të burgosurit politik”, ka përfunduar ai.
Emisioni i plotë: