Shefi i delegacionit të PE-së: Hetimi të plotë për vënien para përgjegjësisë të kryesve për këtë sulm kriminal

Shef i delegacionit të Parlamentit Evropian për raportet me Kosovën, deputeti nga Kroacia, Davor Ivo Stier ka reaguar sot pas sulmit në Ibër Lepenc.

Stier në një postim në platformën X shkruan se në emër të delegacionit të PE-së për Kosovën dënojnë sulmin, gjersa kanë shprehur mbështetje për institucionet e Kosovës në kryerjen e një hetimi të plotë.

“Në emër të Delegacionit të PE për Kosovën dhe së bashku me raportuesin e përhershëm, dënojmë sulmin në infrastrukturën kritike pranë Zubin Potokut.

Ne shprehim solidaritetin tonë të plotë me qytetarët e Kosovës dhe mbështetjen tonë për institucionet e Kosovës në kryerjen e një hetimi të plotë për identifikimin dhe vënien para përgjegjësisë të kryesve për këtë sulm kriminal”, shkruan ai.