Shakatë e internetit: Gjatë javës tjetër, Rifat Latifi do ta zhvillojë një vizitë disaditore në Kosovë

Udhëtimet e shpeshta dhe të gjata të ministrit të Shëndetësisë, Rifat Latifi, pa ndonjë sukses brenda, kanë kthyer vëmendjen drejt tij.

Kjo vëmendje është rritur së fundmi edhe për faktin se kryeminsitri Albin Kurti e ka bërë veten drejtues të Komisionit Ekzekutiv për Shëndetësi, duke ngritur pikëpyetje nëse Latifi është ministër me fuqi ekzekutive edhe pas këtij vendimi.

Një njoftim i tij sot, që do të udhëtojë zyrtarisht drejt Greqisë, ka nxitur reagime të reja, mes tyre edhe tallje.

Në një grup në Facebook, me sarkazmë është dhënë një njoftim i ri se ministri Latifi do ta zhvillojë një vizitë disaditore në Kosovë.