Sefaj: Kurti e Murati kanë faj për vdekjen e 6 punëtorëve për dy javë, e kanë bërë jofunksional Inspektoratin e Punës

Sindikalisti Ali Sefaj ka kritikuar ashpër kryeministrin në detyrë, Albin Kurti dhe ministrin e Financave, Hekuran Murati për vdekjen e 6 punëtorëve brenda dy javëve në Kosovë.

Ai ka thënë se Kurti e Murati janë fajëtorë për shkak që e kanë bërë jofunksional Inspektoratin e Punës.

“6 vdekje në vendin e punës për dy javë. Krejt kjo duke iu falënderuar Albinit dhe Hekuran Muratit qe e kanë bërë jofunksional Inspektoratin e Punës dhe ua kanë lehtesu punën mafisë ndërtimore, me ua shkelë të drejtat e punëtorëve dhe mos me kriju kushte dhe siguri në punë! Veproni, mos i vrani punëtoret!”, tha ai.