Salih Zyba për dialogun me Serbinë: Isa Mustafa ka bërë pazare, fillimisht për pushtet e pastaj edhe për veriun

Deputeti i Vetëvendosjes Salih Zyba ka thënë se ish-kryeministri i Kosovës, Isa Mustafa ka bërë pazare, që sipas tij të merrte pushtetin, shkruan GazetaDemos.

Ndër të tjera ai ka shtuar se Mustafa ka negociuar edhe për pozita të ngushta, duke përfshirë edhe veriun e vendit.

Zyba ka kritikuar Mustafën edhe për procesin e dialogut mes Kosovës dhe Serbisë, duke shtuar se me ardhjen e qeverisjes së Vetëvendosjes, gjërat kanë marrë kthesë tjetër, dhe që ka theksuar se ka ndërruar mendësia qeverisëse.

“Ka ndërruar qeveria, ka ndërruar mendësia e qeverisjes. I bjen që edhe përgjegjësi për negociim ka ndërruar. Isa Mustafa nuk është më me bë këso pazare. Ka qenë pazar për pushtet fillimisht. Minimumi i asaj kohe me këtë negociim, u pa. U pa edhe në disa raporte edhe mediave vendore e ndërkombëtare, fakti që ka të gjetura se si është negociuar edhe për sigurinë e veriut. Pozita të larta shtetërore, kanë ardh në pushtet edhe për pozitat politike. Por, e vecanta është se kanë negociuar edhe për pozita të ngushta, duke përfshirë edhe veriun”, tha thënë Zyba.