Rritja e çmimit të rrymës, Çitaku: Kjo kastë politike e do qytetarin të varfëruar dhe nënshtruar

Sekretarja e Përgjithshme e Partisë Demokratike të Kosovës, Vlora Çitaku s’është befasuar aspak me vendimet e ZRrE-së për rritjen e çmimit të energjisë, pasi siç ka thënë ajo “është mënyra si operon VV”.

Sipas Çitakut, kjo kastë politike e do qytetarin të varfëruar dhe të nënshtruar.

Postimi i plotë:

Cakolli: Kur dorëhiqesh s’ka vend për të qëndruar në objekt, e lëre më të emërosh borde
Për fat të keq, nuk jam aspak e befasuar me vendimet e ZRrE për rritjen e çmimit të energjisë, pavarësisht mungesës së dialogut social dhe mungesës së konsultimeve me qytetarët dhe bizneset.
A e dini pse? Sepse kjo është mënyra si operon LVV.

Refuzon dialogun, qoftë social, qoftë politik, me këdo dhe për çkado.

E njëjta arrogancë është parë në vazhdimësi:

• ndaj sindikatave,
• ndaj mediave,
• ndaj opozitës,
• dhe ndaj bizneseve.

Kjo kastë politike e dëshiron qytetarin të varfëruar dhe të nënshtruar, sepse beson se vetëm ashtu mund ta sundojë më lehtë.

E më ironikja?

Kjo parti politike, në mënyrë radikale – dhe shpeshherë edhe dhunshëm, ka kundërshtuar çdo përpjekje tonën për rritjen e kapaciteteve energjetike të Republikës.
Konsistentë në destruktivitet, kjo është e vetmja politikë që njohin.