Një natë para finales, Egli dhe Rozana përloten – Gjesti këndon: S’kena me u pa më bashkë

Vetëm një natë përpara finales së madhe të Big Brother VIP Albania 4, emocionet kanë kapluar shtëpinë.

Dy prej finalisteve, Egli dhe Rozana, janë parë të përlotura, duke mos e fshehur dot trishtimin për fundin e këtij kapitulli të paharrueshëm.

Egli nuk i përmbajti dot emocionet dhe u shfaq duke qarë pa ndalur. Pak çaste më pas, Gjesti iu afrua dhe në një moment prekës, nisi të këndojë këngën “S’kena me u pa më bashkë” – si një reflektim i ndjenjave që po përjetonin të gjithë, raporton Telegrafi

Në atë çast, edhe Rozana u pa me lot në sy, duke e kthyer skenën në një nga momentet më prekëse të këtij edicioni.

Banorët kanë kaluar një ditë të mbushur me emocione, ndërsa nesër i pret nata më e rëndësishme – finalja, ku do të shpallet fituesi i sezonit.

Ndërkohë, vetëm disa orë më parë, Egli dhe Gjesti u panë duke shkëmbyer puthje të zjarrta në dhomën e gjumit.

Marrëdhënia e tyre ka qenë shpesh e luhatshme, pasi Gjesti ka treguar hezitime dhe tërheqje të herëpashershme gjatë rrugëtimit.

Mbetet për t’u parë nëse lidhja mes tyre do të mbijetojë edhe jashtë mureve të shtëpisë së famshme.

Finalja është gati të nisë, emocionet janë në kulm – dhe publiku po pret me padurim të zbulojë kush do të jetë fituesi i Big Brother VIP Albania 4.