Kryeministri spanjoll Pedro Sanches ka deklaruar se pushtimi rus i Ukrainës do të ketë pasoja të gjera dhe se nuk do të mbetet pa u ndëshkuar.
Në një fjalim televiziv në Madrid, ai i bëri thirrje presidentit rus, Vladimir Putin që t’i japë fund të menjëhershëm armiqësive dhe të revokojë “njohjen e territoreve nga Rusia në Ukrainë”.
Sanchez tha se “Bashkimi Evropian dhe pjesa tjetër e aleatëve të unionit kishin miratuar tashmë një paketë të parë masash kundër Rusisë dhe se Këshilli i BE-së do të mblidhet më vonë për të përcaktuar përgjigjen e tij ndaj kësaj shkelje flagrante të ligjit ndërkombëtar.
Ai bëri thirrje për një përgjigje të koordinuar dhe të unifikuar evropiane dhe tha se sanksionet kundër Rusisë do të ishin qasja më efektive.