Albanian
Croatian
English
French
German
Serbian
Turkish
Një paralajmërim serioz e tha raportuesi për Kosovën në Parlamentin Evropian, Riho Terras.
Ka të bëjë me një fushatë, që ish-gjenerali i Ushtrisë së Estonisë, planifikon të nisë në raport me Sllovakinë, Spanjën, Greqinë, Rumaninë dhe Qipron.
Këto pesë shtete anëtare të BE-së nuk e njohin shtetësinë e Republikës kosovare, andaj Terras do tentojë të ua ndërrojë qëndrimin.
Këtë nismë të raportuesit në PE, ish-ministrja e Integrimit Evropian, Mimoza Ahmetaj, e konsideron të rëndësishme.
Në raport me Bashkimin Evropian, Kosova ka Marrëveshjen për Stabilizim Asociim, kurse ka ngecje të mëdha rreth marrjes së statusit të vendit kandidat.
Për këtë, aplikimi u bë në dhjetor 2022- por nga atëherë nuk ka asnjë lëvizje nga Brukseli.
Kosovën shtet të pavarur e sovran e kanë njohur deri tani 119 shtete. E fundit njohje erdhi më 13 prill nga Sudani. /Klankosova./