Rama ia jep “Çelësin e Qytetit”, mikut të madh të shqiptarëve

Kryetari i Komunës së Prishtinës, Përparim Rama do të ia ndajë “Çelësin e Qytetit”, ish-kongresistit amerikan Joe DioGuardi, shkruan Gazeta Demos. 

Lajmi është bërë i ditur nga Komuna e Prishtinës ku ka njoftuar se ndarja e çmimit do të mbahet nesër nga ora 12:30 në ndërtesën e vjetër të Komunës.

“Nesër, e martë, me datë 22.08.2023, në ora 12:30, në ndërtesën e vjetër të Komunës Kryetari z. Përparim Rama pret në takim ish-Kongresistin z. Joe DioGuardi dhe znj. Shirley Cloyes DioGuardi nga Liga Qytetare Shqiptaro-Amerikane me ç’rast do ta ndaj Çelësin e Qytetit në shenjë mirënjohje dhe respekti për kontributin e tyre të jashtëzakonshëm për Kosovën në veçanti dhe kauzën tonë kombëtare në përgjithësi.”, thuhet në njoftim./GazetaDemos/