Haradinaj paralajmëron se do ta çojnë VV-në në Gjykatë Kushtetuese: Jemi në konsultime me PDK e LDK

Kreu i AAK-së, Ramush Haradinaj është deklaruar para mediave sot pak para fillimit të seancës së 13-të konstituive, raporton GazetaDemos.

Ai tha se si parti kanë përgatitur një kërkesë ndaj Gjykatës Kushtetuese, për vlerësimin e vendimeve të marra në Kuvend nga Qeveria Kurti.

“Ne veç kemi përgatit një kërkesë për vlerësim, do t’i drejtohemi Gjykatës Kushtetuese që me e vlerësu kushtetutshmërinë e vendimeve të marrura në Kuvend. Si rasti i mosformimit të Komisionit për votimin e fshehtë dhe të gjtiha vendimet paraprake bazuar në procesverbalin e seancës”.

Ai shtoi se për këtë kërkesë janë në konsultime edhe me dy partitë tjera, PDK-në e LDK-në, duke treguar se duhen që 10 deputetë t’i drejtohen Gjykatës Kushtetuese.

“Sot jemi në konsulta edhe me PDK edhe LDK në mënyrë që t’i drejtohemi 10 deputetë Gjykatës. ë gjitha vendimet e Kuvendit veç e veç si për mënyrën e votimit, për ndërprerjen, si për situatën e mosnxjerrjes në votim të kandidatit, ardhja në seancë e të gjitha këto”, shtoi ai para mediave.