Raci: Nuk kemi ku me i ikë moszbatimit të vendimit të Gjykatës Kushtetuese për çështjen e pronave

Opinionisti Gazmir Raci, thotë se nuk mund t’i iket moszbatimit të vendimit të Gjykatës Kushtetuese për çështjen e pronave.

“Sa kam kuptuar unë ndaj asaj gjendje, është Komuna e Deçanit përgjegjëse. Sepse prona është në kuadër të pronës që i takon Komunës së Deçanit”, tha gjithashtu ai.

“Për mua ky proces në përgjithësi ka disa shqetësime, që e kanë përcjellë gjithë debatin për çështjen e moszbatimit të aktgjykimit të Gjykatës Kushtetuese të vitit 2016”, shtoi Raci në Rubikon.

Ai theksoi se arsyeja pse sipas tij nuk mund t’i iket moszbatimit të vendimit të Kushtetueses është sepse janë shtjerrë të gjitha procedurat.