Qytetarit nga Shkupi i kthehen mbi 1 mijë eurot që i kishin humbur në Kosovë

Policia e Kosovës ka njoftuar se një qytetari nga Shkupi të cilit i kishin humbur paratë në Kosovë, tashmë i janë kthyer. Shuma e parave është 1 mijë e 10 euro.

Ato janë gjetur në një afërsi të një pike karburanti në Han të Elezit nga një 41-vjeçar nga Podujeva, të cilat i ka dorëzuar në stacion.

“Me datën 17.11.2024 rreth orës 16:15, qytetari F.Rrahimi i moshës 41 vjeçar nga Podujeva, në afërsi të një pikë karburanti në Han të Elezit kishte gjetur një shumë të caktuar të parave dhe ato menjëherë i kishte dorëzuar në stacionin e policisë në Han të Elezit dhe për këtë ne kishim kërkuar që të lajmërohet pronari/e i vërtetë dhe ti tërheqë paratë e humbura. Ndërsa, sot, datë 18.11.2024 në stacionin e policisë në Han të Elezit është paraqitur personi M.S , shqiptar,shtetas i Maqedonisë së Veriut dhe pas procedurave të verifikimit, shikimit të kamerave të sigurisë i janë kthyer paratë e tij 1010 euro, të cilat i kishin humbur”, thuhet në njoftim.