Publikohen pamje: Momenti kur rrahet e bëhet për spital nga pronari dhe disa persona polici që dhunoi kamarierin në Vlorë

Janë publikuar pamje të reja nga incidenti i ndodhur në Vlorë, ku një kamarier u dhunua nga një polic i cili ishte së bashku me një mik të tij, transmeton GazetaDemos.

Këtë herë, pamjet e reja tregojnë momentin kur vetë polici dhunohet nga disa persona, të cilët sipas avokatit të tij, Kujtim Cakrani ishin të shoqëruar me pronarin e restorantit dhe hotelit ku ndodhi ngjarja që pushtoi mediat në Shqipëri, por edhe në Kosovë.

Sipas Cakranit, personat që kanë ushtruar dhunë ndaj policit janë të njohur për organet e rendit, teksa të njëjtit kanë precedentë penalë.

“Meqë policia e shtetit nuk arriti të administronte pamjet filmike për të zbardhur ngjarjen e ndodhur në ambjentet e një lokali në qytetin e Vlorës dy ditë më parë, ku u dhunua një punonjës shumë I nderuar I policisë shtetit, atëherë po ja u vendos unë momentet e dhunës ushtruar ndaj policit.

Në video dallohen qartë personat që kanë dhunuar policinë, që në fakt nuk kanë qënë as dy as tre por 15 persona me mjete të forta.

Qytetarët janë bërë preha e një video të shkurtër të publikuar në media ku dallohet që është goditur .e shpulla një kamerier, por qëllimisht ëahtë fshehur pjesa tjetër e ngjarjes.

Pamjet që më kanë ardhur mua si avokat I policit janë tronditëse dhe dallohen qartë edhe dhunuesit e tij.

Prandaj policia e shtetit duhet të ndërhyj me ndalimin e dhunuesve dhe të zbardhë dinamikën e ngjarjes.

Kjo histori nuk do përfundoj këtu jo? Dhunuesit e policit që është në reanimacion të spitalit Vlorës do përgjigjen ligjërisht edhe pse janë miqtë e Kryeministrit dhe pushtetit ti”, ka shkruar në reagimin e tij, avokati Cakrani.