Shqiptarët ndër vite kanë vuajtur në burgjet e Jugosllavisë, ndërsa një nga burgjet që u kthye edhe në kamp përqëndrimi ishte ai i Goli Otokut.
Profesori shqiptar, Meriman Braha i ftuar në emisionin “n’Demos” ka treguar se mes mijëra të burgosurve kanë edhe 468 shqiptarë.
“Kur janë dërgu atje të burgosurit politik, janë dërgu me trena deri në Zagreb, i kanë lidh nga 15 vetë me zingjirë si kafshë, prej aty i kanë qu në Rijek, prej aty në Bakar e prej aty me anije i kanë qu në Goli Otok, e deri në katër orë ka zgjatur udhëtimi. Ka pas raste kur kanë vdek në udhëtim njerzit, grupi i parë i nisjes kanë qenë prej 1250 vetë, më 9 korrik të vitit 1949”, ka deklaruar Braha, transmeton GazetaDemos.
Mënyra e dënimit të këtyre të burgosurve ka qenë nga më absurdja.
“Të gjithë janë regjistru me emra, lista e të burgosurve politik që kanë qenë në Goli Otok janë me të dhëna të plota të vendit ku ka lind, vendit që është burgos, koha e dënimit, koha e lirimit. Dikund afër 16 mijë janë, 12 mijë prej tyre kanë përfundu aty pa letra, pa aktvendime gjyqëosre janë dënuar me ndërrime vendbanime, pra prej shpisë në burg, këto dënime kanë qenë prej komiteteve të ndryshme e prej këshillave të ndryshme, kanë targetu secilin njeri për një fjalë goje”, është shprehur ai.
Emisioni i plotë: