Presioni ndaj institucioneve shtetërore lidhur me referendumin e Serbisë, reagon kryetari i Gjilanit

Kryetari i Komunës së Gjilanit ka reaguar në lidhje me referendumin serb i cili po kërkohet të mbahet edhe në territorin e Kosovës, shkruan GazetaDemos.

Alban Hyseni ka thënë se ky presion ndaj institucioneve të Kosovës është i padrejtë dhe po mundohet që të vendoset një standart i dyfishtë.

“Asnjë nga institucionet tona nuk ka për qëllim të ndaloj të drejtën e votës, por edhe nuk do të lejohet që të sulmohet rendi ligjor e kushtetues i shtetit”, ka shkruar ndër tjera Hyseni.

Ky është postimi i kryetarit të Gjilanit Alban Hyseni:

Presioni ndaj institucioneve shtetërore lidhur me referendumin e Serbisë është jo i drejtë dhe standard i dyfishtë në krahasim me vendet e shtetet tjera.

Organizimi i referendumit në shtetin e huaj duhet të respektoj normat e praktikat ndërkombëtare, ndërsa të jetë në harmoni me ligjet pozitive të vendit tonë.

Asnjë nga institucionet tona nuk ka për qëllim të ndaloj të drejtën e votës, por edhe nuk do të lejohet që të sulmohet rendi ligjor e kushtetues i shtetit!