Policia arreston dy persona të dyshuar për tentim vjedhje

Policia e Kosovës përmes një komunikate për media ka bërë të ditur se janë arrestuar dy persona të dyshuar për tentim vjedhje, shkruan GazetaDemos.

Në njoftim bëhet e ditur se kjo është arritur në kuadër të bashkëpunimit me qytetarët e Kosovës.

“Aktualisht hetuesit policor, po ndërmarrin të gjitha veprimet e nevojshme në koordinim me prokurorinë përkatëse, lidhur me së paku tri raste (2 vjedhje dhe një tentim vjedhje), ku dyshohet të jenë të përfshirë personat e arrestuar”, thuhet në postim.

Të dyshuarit e arrestuar janë, R.J, mashkull, 23 vjeç, shtetas i Republikës së Kosovës dhe L.S, mashkull, 23 vjeç, shtetas i Republikës së Kosovës, të cilët janë dërguar në mbajtje.

Përveç qytetarëve, Policia ka falenderuar edhe mediat kosovare për bashkëpunimin.