Forca e Sigurisë së Kosovës (FSK) mëngjesin e sotëm ka zbarkuar në veri të vendit, në kërkim të 33 vjeçarit i cili u hodh nga ura e Liqenit të Ujmanit, e për të cilin që nga ai moment nuk ka ndonjë informacion.
Për këtë zhvillim ka reaguar ministri në detyrë i Mbrojtjes, Ejup Maqednci, madje dy herë. Në njoftimin e parë të tij, Maqedonci i publikoi disa fotografi, të cilat ngjallën debat pasi në to mungoi paraqitja e forcave të KFOR-it.
Për këto kritika, Maqedonci së fundmi i dha një përgjigje një komentuesi, duke ia vënë në vegëz një postim ku e dërgon tek fotografitë ku shihet edhe KFOR-i prezent.