Njihuni me të dashurën e Karim Benzemas, modelen Jordan Ozuna

Kapiteni i Real Madridit, Karim Benzema, i cili mbrëmë fitoi edhe Topin e Artë, tanimë e ka konfirmuar se është në lidhje me modelen amerikane Jordan Ozuna.

Ozuna, që ka punuar si kameriere e “Hooters” në Las Vegas, tani ka nënshkruar me disa agjenci modelimi me bazë në Shtetet e Bashkuara të Amerikës, shkruan The Sun, transmeton Klankosova.tv.

Sulmuesi i Francës ka krijuar një reputacion për mbajtjen hermetike të jetës së tij private, por kësaj radhe jo gjithçka i shkoi siç ndoshta ka planifikuar futbollisti.

Dyshja, Benzema e Ozuna, tashmë janë ndër më të komentuarit dhe gjërat u konfirmuan akoma më tepër, kur 32-vjeçarja ishte e pranishme në “Theatre du Chatelet” të kryeqytetit francez ku u mbajt ceremonia e ndarjes së Topit të Artë.

Gjithsesi, aludimi i parë kishte ardhur në fund të majit kur Benzema po udhëhiqte Los Blancos në një fitore 1-0 ndaj Liverpool-it në finalen e Ligës së Kampionëve në Stade de France.

Ozuna ishte në Paris në të njëjtën kohë, duke nxitur spekulime se ajo ndodhej atje për të mbështetur të dashurin e saj.

Kjo teori u bë edhe më e besueshme në fillim të gushtit kur Ozuna postoi imazhe në Instagram të çiftit duke u përqafuar.

Më pas doli një fotografi e dytë që tregon një pjesë të një videotelefonate mes tyre, në të cilën ata qartazi po argëtohen së bashku.

Ata të dy ndjekin njëri-tjetrin në mediat sociale, përfshirë Instagramin.