Prokuroria Speciale e Republikës së Kosovës ka ngritur aktakuzë ndaj dy qytetarëve të nacionalitetit serb, N.B. dhe L.Z.
Përmes një njoftimi për media, PSRK njofton se ata akuzohen për veprën penale ‘Nxitja e përçarjes dhe mos durimit’.
“Prokuroria Speciale, ka ngritur aktakuzë në Gjykatën Themelore në Prishtinë – Departamentin Special, kundër dy të pandehurve me inicialet N.B dhe L.Z të nacionalitetit serb.
Prokuroria Speciale njofton se aktakuza kundër dy të pandehurve të lartcekur është ngritur për shkak të veprës penale ‘’Nxitja e përçarjes dhe mos durimit’’ nga neni 141 paragrafi 3 lidhur me paragrafin 1 dhe neni 31 të KPRK-së”, thuhet në njoftim.