Nëntë gazetarë e kameramanë u sulmuan dje në Leposaviq, policia jep detaje

Policia ka dhënë detaje për sulmin ndaj gazetarëve e kameramanëve në Leposaviq nga serbët, ku ka njoftuar se pesë meshkuj dhe katër femra e kanë pësuar nga ky sulm.

Në raportin 24 orësh, Policia ka bërë të ditur se derisa po kryenin detyrën gjatë vizitës së një ministri në Leposaviq, nëntë gazetarë janë sulmuar nga serbët.

Viktimat kanë pësuar lëndime trupore dhe të njëjtit kanë pranuar trajtim nga ekipi mjekësor në stacionin policor në Leposaviç.

Njëri nga viktimat dyshohet të ketë lëndime të rënda (frakturë në dorë) dhe i njëjti është udhëzuar për trajtim të mëtutjeshëm.

Përveç sulmit të dyshuarit kanë marrë nga një gazetare një telefon celular dhe një kamerë të RTK-së. Rasti është iniciuar në konsultim me prokurorin dhe mbetet në hetime të mëtutjeshme.