Trump reagon ndaj sulmit izraelit ndaj Iranit: Jemi gati të mbrojmë veten dhe Izraelin, nëse Irani vendos të kundërpërgjigjet

Në një deklaratë për Fox News, Trump tha se Irani nuk duhet të lejohet të ketë bombë bërthamore.

“Irani nuk mund të ketë bombë bërthamore dhe shpresojmë që do të kthehemi në tryezën e bisedimeve. Do të shohim. Ka disa njerëz në udhëheqjen iraniane që nuk do të kthehen”, tha Trump, duke aluduar në vrasjen nga Izraeli të disa gjeneralëve dhe shkencëtarëve të lartë.

Ai theksoi gjithashtu se ditët e fundit kishte biseduar shpesh me kryeministrin izraelit Benjamin Netanyahu.

“Jemi të gatshëm të mbrojmë veten dhe Izraelin, nëse Irani vendos të kundërpërgjigjet. Komanda Qendrore është në gjendje të lartë gatishmërie”, deklaroi Trump.

Ndërkohë, udhëheqësi i Iranit, Ayatollah Ali Khamenei, paralajmëroi hakmarrje ndaj Izraelit për sulmin.

“Me këtë krim, regjimi sionist i ka imponuar vetes një fat të hidhur dhe të dhimbshëm, dhe me siguri do ta përjetojë”, deklaroi Khamenei.