Teksa prezantonte anëtarët e kabinetit të tij gjatë një mbledhjeje në Shtëpinë e Bardhë, Presidenti Donald Trump bëri shaka duke thënë se Sekretari i Mbrojtjes Pete Hegseth “e do luftën”, shkruan CNN.
“Kemi njerëz të shkëlqyer, dhe sekretari i luftës, Pete Hegseth, si i dalë nga kastingu qendror, ai e do luftën… është njeri i mirë”, tha Trump gjatë prezantimit të kabinetit të tij.
Hegseth është përballur me vëmendje dhe kritika të shtuara që nga fillimi i luftës me Iranin, me kritikët që e akuzojnë për një qasje agresive si ndaj strategjisë ushtarake ashtu edhe ndaj komunikimit publik.
Mbledhja e 12-të e kabinetit të presidentit amerikan gjatë mandatit të tij të dytë vjen në një moment kyç të negociatave me Iranin dhe mes pyetjeve në rritje mbi hapat e ardhshëm të administratës në konflikt
