Të paktën 19 persona kanë vdekur dhe 164 të tjerë janë plagosur pasi një avion stërvitor i forcave ajrore të Bangladeshit u rrëzua në një kampus shkolle në kryeqytetin Daka, ka raportuar BBC .
Pamjet nga Shkolla dhe Kolegji Milestone në periferinë veriore të Uttara tregojnë një zjarr të madh dhe tym të dendur, pasi avioni u përplas në një ndërtesë dykatëshe.
Forcat e armatosura thanë në një deklaratë në Facebook se avioni F-7 pësoi një defekt mekanik pasi u ngrit për një stërvitje menjëherë pas orës 13:00 sipas orës lokale (07:06 GMT). Piloti ishte midis të vrarëve, shtoi forca ajrore.
Më shumë se 50 persona, përfshirë fëmijë dhe të rritur, u dërguan në spital me djegie, tha një mjek në Institutin Kombëtar të Djegieve dhe Kirurgjisë Plastike.
